'പണ്ടു ഞാന് നിന്റെ വീട്ടില് വന്നാല് അതു സൗഹൃദം. ഇന്നു വന്നാല് അതു മതസൗഹാര്ദ്ദം, അല്ലേടാ?' നടന് മമ്മൂട്ടി ഇന്നലെ കവിയും നടനുമായ ബാലചന്ദ്രന് ചുള്ളിക്കാടിനോട് പറഞ്ഞതാണിത്. നിലവിലെ സാഹചര്യത്തിലെ ആശങ്ക വെളിപ്പെടുത്തുകയായിരുന്നു മമ്മൂട്ടി. ചുള്ളിക്കാട് പറഞ്ഞതായ് സുഹൃത്തും എഴുത്തുകാരനുമായ എസ് ഗോപാലകൃഷ്ണനാണ് പങ്കുവെച്ചു
എസ് ഗോപാലകൃഷ്ണന്റെ ഫേസ്ബുക്ക് പോസ്റ്റ്;
വൈപ്പിന് ദ്വീപിലെ എടവനക്കാട്ട് കായല്ക്കരയിലായിരുന്നു ഇന്നലെ എനിക്ക് ജോലി. മമ്മുട്ടിയാണ് നായകന്. ഉച്ചയ്ക്ക് ഷൂട്ടിംഗിന്റെ ഇടവേളയില് മറ്റുള്ളവരുമായി തമാശ പറഞ്ഞ് ഇരുന്ന അദ്ദേഹം ഇടയ്ക്ക് നിശ്ശബ്ദനായി. ചിന്താമഗ്നനായി. എന്നെ അരികിലേക്ക് വിളിച്ചു. ശബ്ദം അമര്ത്തി എന്നോടു ചോദിച്ചു:
'സോഷ്യല് കണ്ടീഷന് വളരെ മോശമാണ്. അല്ലേടാ?'
'അതെ.'
ഞാന് ഭാരപ്പെട്ട് പറഞ്ഞു.
ഞങ്ങളപ്പോള് മഹാരാജാസിലെ പൂര്വവിദ്യാര്ത്ഥികളായി.
കനത്ത ഒരു മൂളലോടെ മമ്മുക്ക കായല്പ്പരപ്പിലേക്കു നോക്കി. ഒറ്റ മേഘവും ഇല്ലാത്ത നീലാകാശത്തിനു കീഴില് കത്തിക്കാളുന്ന ഉച്ചവെയിലില് വിഷനീലമായി വെട്ടിത്തിളങ്ങുന്ന കായല്പ്പരപ്പ്.
എന്നെ നോക്കി വിഷാദം നിറഞ്ഞ ഒരു ചിരിയോടെ മമ്മുക്ക ചോദിച്ചു:
' പണ്ടു ഞാന് നിന്റെ വീട്ടില് വന്നാല് അതു സൗഹൃദം. ഇന്നു വന്നാല് അതു മതസൗഹാര്ദ്ദം. അല്ലേടാ?'