കോട്ടയം: കോട്ടയം അതിരൂപതയിലെ സീനിയര്
വൈദികരിലൊരാളായ ഫാ. ജോസ് ചാഴികാട്ട് (77) നിര്യാതനായി. 1968ല് വൈദികപട്ടം
സ്വീകരിച്ച് അജപാലനശുശ്രൂഷ ആരംഭിച്ച ഫാ.ജോസ്, കോട്ടയം അതിരൂപതയിലെ
കല്ലിശ്ശേരി, ഓതറ, ഇടയ്ക്കാട്ട്, മള്ളൂശ്ശേരി, കിഴക്കേനട്ടാശ്ശേരി,
കട്ടച്ചിറ, കല്ലറ പഴയപള്ളി, അരീക്കര, ചാമക്കാല, ചെറുകര, നീറിക്കാട്,
പുതുവേലി എന്നീ പള്ളികളില് വികാരിയായും, അപനാദേശ് ചീഫ് എഡിര്, കാത്തലിക്
മിഷന് പ്രസ് മാനേജര്, മൈനര് സെമിനാരി സ്പിരിച്വല് ഫാദര്, ബൈബിള്
അപ്പസ്തോലേറ്റ് ചെയര്മാന് എന്നീ നിലകളില്
സേവനമനുഷ്ഠിച്ചിട്ടുണ്ട്.വെളിയന്നൂര് ചാഴികാട്ട് കുര്യന്മറിയാച്ചി
ദമ്പതികളുടെ മകനായി 1941ല് ജനിച്ചു. ടി.കെ. എബ്രഹാം, പരേതരായ തോമസ്,
ഏലിക്കുട്ടി എന്നിവര് സഹോദരങ്ങളാണ്.
മൃതദേഹം 31ാം തീയതി വ്യാഴാഴ്ച രാവിലെ 8 മണിക്ക് സഹോദരന് ടി.കെ.
എബ്രഹാമിന്റെ അരീക്കരയിലുള്ള ഭവനത്തില് കൊണ്ടുവരുന്നതാണ്. തുടര്ന്ന്
10.00 മണിക്ക് ഭവനത്തിലെ ശുശ്രൂഷകള്ക്കു ശേഷം 11 മുതല് അരീക്കര സെന്റ
്റോക്കീസ് പള്ളിയില് ഭൗതികശരീരം പൊതുദര്ശനത്തിന് വയ്ക്കും. മൃതസംസ്കാര
ശുശ്രൂഷകള് ഉച്ചകഴിഞ്ഞ് 2.30ന് അതിരൂപതാ മെത്രാപ്പോലീത്ത മാര് മാത്യു
മൂലക്കാട്ട് പിതാവിന്റെ കാര്മ്മികത്വത്തിലുള്ള സമൂഹ ബലിയോടെ
ആരംഭിക്കുന്നതാണ ്.സീറോ മലബാര് സഭയുടെ മേജര് ആര്ച്ച് ബിഷപ്
കര്ദ്ദിനാള് മാര് ജോര്ജ് ആലഞ്ചേരി പിതാവ് മൃതസംസ്കാര ശുശ്രൂഷയ്ക്ക്
പ്രധാന കാര്മികത്വം വഹിക്കുന്നതുമാണ്.