തിരുവനന്തപുരം: അമേരിക്കന് മലയാളികളുടെ സംഘടനകളുടെ സംഘടനയായ ഫൊക്കാനയുടെ സാമൂഹ്യ പ്രവര്ത്തനങ്ങള് ലോകത്തിന് മാതൃകയും പ്രചോദനവുമാണെന്ന് കേരളാ ഗവര്ണര് പി.സദാശിവം.
ഫൊക്കാനായുടെ പത്താമത് കേരളാ കണ്വന്ഷന് തിരുവനന്തപുരം മസ്കറ്റ് ഹോട്ടലില് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ഫൊക്കാനായുടെ മുപ്പത്തിയഞ്ച് വര്ഷത്തെ ചരിത്രം പരിശോധിച്ചാല് എല്ലാം വിജയത്തിന്റേതാണ്. ഭാഷയ്ക്കൊരു ഡോളര് ,വിവിധ ഭവന പദ്ധതികള് ,മറ്റ് ചാരിറ്റി പ്രവര്ത്തനങ്ങള് അഭിനന്ദനീയം തന്നെ .ഈ പ്രവര്ത്തനങ്ങള് തുടരുകയും ജനങ്ങള്ക്ക് ഉപകാരപ്രദമായ രീതിയില് അവ നടപ്പിലാക്കുവാനും ഈ സംഘടനയ്ക്ക് സാധിക്കട്ടെ എന്നും അദ്ദേഹം കൂട്ടിച്ചേര്ത്തു.
രാജ് മോഹന് കേരളീയം, ഫൊക്കാനാ ട്രഷറാര് സജിമോന് ആന്റണി, ഫൊക്കാനാ കേരളാ കണ്വന്ഷന് ചെയര്മാന് ജോര്ജി വര്ഗീസ്, കണ്വന്ഷന് പേട്രണ് പോള് കറുകപ്പിള്ളില്, ട്രസ്റ്റി ബോര്ഡ് ചെയര്മാന് ഡോ.മാമന് സി. ജേക്കബ്, ഫൊക്കാന മുന് പ്രസിഡന്റ് ഡോ.എം.അനിരുദ്ധന്, എക്സിക്യുട്ടീവ് വൈസ് പ്രസിഡന്റ് ശ്രീകുമാര് ഉണ്ണിത്താന് എന്നിവര് ആശംസകള് നേര്ന്ന് സംസാരിച്ചു.
ഫൊക്കാന പ്രസിഡന്റ് മാധവന് ബി.നായര് സ്വാഗതവും സെക്രട്ടറി ടോമി കൊക്കാട് നന്നിയും പ്രകാശിപ്പിച്ചു.