കാസര്ഗോഡ്: ഡി.സി.സി പ്രസിഡന്റിന്റെ നിലപാടില് പ്രതിഷേധിച്ച്
തെരഞ്ഞെടുപ്പ് പ്രചരണം നിര്ത്തിവെച്ച് രാജ്മോഹന് ഉണ്ണിത്താന്. ഡി.സി.സി
പ്രസിഡന്റ് ഹക്കിം കുന്നിലിനെ മാറ്റാതെ പ്രചാരണം സാധ്യമല്ലെന്ന് സ്ഥാനാര്ഥി
രാജ്മോഹന് ഉണ്ണിത്താന് അറിയിച്ചു.
ചെര്ക്കളയില് നടത്താനിരുന്ന ഇന്നത്തെ
പ്രചാരണപരിപാടി ഉപേക്ഷിച്ചു ഉണ്ണിത്താന് മടങ്ങിയതായാണ് വിവരം. ഡി.സി.സി
പ്രസിഡന്റ് പറയുന്നത് പോലെ ചലിക്കാന് തനിക്കാവില്ലെന്നാണ് ഉണ്ണിത്താന്
പറയുന്നത്.
പ്രസിഡന്റിനെതിരെ രൂക്ഷ
വിമര്ശനം ഉന്നയിച്ച ഉണ്ണിത്താന് ആദ്യ ദിവസം ഉച്ചഭക്ഷണം പോലും ലഭിച്ചില്ലെന്നും
പ്രചരണപരിപാടിക്ക് കൃത്യമായ രൂപരേഖയില്ലെന്നും പ്രസിഡന്റ് ഏകാധിപതിയെ പോലെ
പെരുമാറുന്നുവെന്നും കൂട്ടിച്ചേര്ത്തു.
അതേസമയം ഇക്കാര്യം
സംബന്ധിച്ച് ചര്ച്ച ചെയ്യാന് ജില്ലയിലെ യു.ഡി.എഫ് നേതാക്കളുടെ യോഗം
വിളിച്ചിട്ടുണ്ട്. അതുവരെ പ്രചരണ രംഗത്തേക്കില്ലെന്ന് അറിയിച്ചു കൊണ്ടാണ്
ഉണ്ണിത്താന് മടങ്ങിയത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല