നെടുമ്ബാശേരി സ്വദേശി കിടങ്ങയത്ത് ഹൗസില് ബേസില് ബേബി (23), തൃശൂർ കൊടുങ്ങല്ലൂർ സ്വദേശി കുന്നത്ത് ഹൗസില് മുഹമ്മദ് റമീസ്(22) എന്നിവരാണ് അറസ്റ്റിലായത്.
മലപ്പുറം വണ്ടൂരില് ബന്ധുവീട്ടില് താമസിക്കാനെത്തിയ 14,15 വയസ്സുള്ള പെണ്കുട്ടികളെയാണ് ഇരുവരും ചേർന്ന് ബൈക്കിലെത്തി തട്ടിക്കൊണ്ടുപോയത്. ഈ മാസം 16നായിരുന്നു കേസിനാസ്പദമായ സംഭവം നടന്നത്. കുട്ടികളെ കാണാതായതോടെ അമ്മയുടെ സഹോദരി പോലീസില് പരാതി നല്കുകയായിരുന്നു. തുടർന്ന് വണ്ടൂർ എസ്ഐ ടി.പി.മുസ്തഫയുടെ നേതൃത്വത്തില് മൊബൈല്ഫോണ് കേന്ദ്രീകരിച്ച് നടത്തിയ അന്വേഷണത്തിലാണ് പ്രതികളെ കുറിച്ചുള്ള സൂചന ലഭിക്കുന്നത്.
സമൂഹമാധ്യമത്തിലൂടെ പരിചയപ്പെട്ട കൊടുങ്ങല്ലൂർ സ്വദേശികളായ പെണ്കുട്ടികള് പ്രതികളുമായി പ്രണയത്തിലായിരുന്നു എന്നാണ് വിവരം. ഇവരെ ബെംഗളൂരുവില് എത്തിച്ച സംഘം വീട് സംഘടിപ്പിച്ച് ഒരു ദിവസം അവിടെ താമസിച്ചു. ഇവിടെ വച്ചാണ് പെണ്കുട്ടികളെ ഇരുവരും ചേര്ന്ന് മദ്യം നല്കി പീഡിപ്പിച്ചത്. മടങ്ങിവരുന്നതിനിടെ ആനമറി ചെക്ക് പോസ്റ്റില്വച്ച് പ്രതികളെ പോലീസ് പിടികൂടുകയായിരുന്നു. ഇരുവർക്കുമെതിരെ പോക്സോ ഉള്പ്പെടെയുള്ള വകുപ്പുകളാണ് ചുമത്തിയിരിക്കുന്നത്.