ഗവ. മെഡിക്കല്‍ കോളേജിലെ മള്‍ട്ടി സ്‌പെഷ്യാലിറ്റി ബ്ലോക്കില്‍ പുതിയ തീവ്ര പരിചരണവിഭാഗങ്ങള്‍ ആരംഭിക്കും : മുഖ്യമന്ത്രി
അനില്‍ പെണ്ണുക്കര Published on 01 March, 2016
തിരുവനന്തപുരം ഗവ. മെഡിക്കല്‍ കോളേജിനെ മികവിന്റെ
കേന്ദ്രമാക്കുന്നതിനായി പുതിയ മള്‍ട്ടി സ്‌പെഷ്യാലിറ്റി ബ്ലോക്കില്‍, പുതിയ
തീവ്രപരിചരണവിഭാഗങ്ങള്‍ ആരംഭിക്കുമെന്ന് മുഖ്യമന്ത്രി ഉമ്മന്‍ചാണ്ടി
അറിയിച്ചു. നിലവിലുള്ള തീവ്രപരിചരണവിഭാഗങ്ങളും അനുബന്ധ സൗകര്യങ്ങളും
അതേപടി നിലനിര്‍ത്തുമെന്നും മുഖ്യമന്ത്രി പറഞ്ഞു. 25.22 കോടി രൂപ വിനിയോഗിച്ച്
ഏഴ് നിലകളിലായി നിര്‍മ്മിച്ച മള്‍ട്ടി സ്‌പെഷ്യാലിറ്റി ബ്ലോക്കിന്റെ ഉദ്ഘാടന
കര്‍മ്മം നിര്‍വ്വഹിച്ച് പ്രസംഗിക്കുകയായിരുന്നു അദ്ദേഹം.
പുതിയ ബ്ലോക്കിന്, ഡോ. ആര്‍. കേശവന്‍നായര്‍ മള്‍ട്ടി സ്‌പെഷ്യാലിറ്റി ബ്ലോക്ക് എന്ന് മുഖ്യമന്ത്രി നാമകരണം ചെയ്തു. മെഡിക്കല്‍ കോളേജിന്റെ ആദ്യകാല വികസനത്തിന് വിലപ്പെട്ട സംഭാവനകള്‍ നല്‍കിയ സൂപ്രണ്ടും സര്‍ജറി വിഭാഗം മേധാവിയുമായിരുന്നു ഡോ. ആര്‍. കേശവന്‍ നായര്‍. മെഡിക്കല്‍ കോളേജിനെ മികവിന്റെ കേന്ദ്രമാക്കുന്നതിനുള്ള ഊര്‍ജ്ജിതമായ പ്രവര്‍ത്തനങ്ങളാണ് കഴിഞ്ഞ അഞ്ചു വര്‍ഷങ്ങളില്‍ നടത്തിയതെന്ന് അധ്യക്ഷപ്രസംഗത്തില്‍ ആരോഗ്യമന്ത്രി വി.എസ്. ശിവകുമാര്‍ ചൂണ്ടിക്കാട്ടി. ഇത്രയധികം വികസനപ്രവര്‍ത്തനങ്ങള്‍ നടന്ന ഒരു കാലഘട്ടവും ഉണ്ടായിട്ടില്ലെന്നും അദ്ദേഹം പറഞ്ഞു. പുതിയ ബ്ലോക്കിന്റെ ഒന്നാംനിലയില്‍ 34 കിടക്കകളോടുകൂടിയ ആധുനിക പോളിട്രോമ ഇന്റന്‍സീവ് കെയര്‍ യൂണിറ്റ്. രണ്ടാം നിലയില്‍ 24 കിടക്കകളോടുകൂടിയ അനസ്‌തേഷ്യ വിഭാഗം മള്‍ട്ടി ഡിസിപ്ലിനറി ഐസിയു. മൂന്നാം നിലയില്‍ കാര്‍ഡിയോളജി വിഭാഗത്തിന്റെ കാത്ത്‌ലാബ്. 18 കിടക്കകളോടുകൂടിയ ഐസിയു, സുഖം പ്രാപിച്ചുവരുന്നവര്‍ക്കായി 9 കിടക്കകളുള്ള സ്റ്റെപ്പ് ഡൗണ്‍ ഐസിയു. നാലാംനിലയില്‍ കാര്‍ഡിയോതൊറാസിക് വിഭാഗത്തിന്റെ രണ്ട് അത്യാധുനിക ഓപ്പറേഷന്‍ തീയറ്ററുകള്‍. 18 കിടക്കകളോടുകൂടിയ ഐസിയു. ഗ്രൗണ്ട് ഫ്‌ളോറില്‍ കേരളം, തമിഴ്‌നാട്, പുതുച്ചേരി സംസ്ഥാനങ്ങള്‍ക്കായുള്ള റീജ്യണല്‍ വയോജന സംരക്ഷണകേന്ദ്രം. ഐസിയു, ഓപി, സ്ത്രീകള്‍ക്കും പുരുഷന്മാര്‍ക്കും 16 കിടക്കകള്‍ വീതമുള്ള വാര്‍ഡുകള്‍. ഗ്രൗണ്ട് ഫ്‌ളോറിനുതാഴെയുള്ള ബേസ്‌മെന്റില്‍, അക്കാഡമിക് സൗകര്യങ്ങളോടുകൂടിയ ആധുനിക മോര്‍ച്ചറി. അഞ്ച് മൃതദേഹങ്ങള്‍ ഒരേസമയം പോസ്റ്റ്‌മോര്‍ട്ടം ചെയ്യാനുള്ള സൗകര്യം. 60 മൃതദേഹങ്ങള്‍ സൂക്ഷിക്കാന്‍ ഫ്രീസറുകള്‍. റോഡ് ലെവല്‍ ബേസ്‌മെന്റില്‍ പാര്‍ക്കിംഗ്, ഭക്ഷണശാല, ശൗചാലയം അനുബന്ധ സൗകര്യങ്ങള്‍ എന്നിങ്ങനെയാണ് ഏര്‍പ്പെടുത്തുകയെന്നും ആരോഗ്യമന്ത്രി അറിയിച്ചു.
ചടങ്ങില്‍ എം.എ. വാഹീദ് എം.എല്‍.എ., കൗണ്‍സിലര്‍ ജോണ്‍സണ്‍ ജോസഫ്, മെഡിക്കല്‍ വിദ്യാഭ്യാസ ഡയറക്ടര്‍ ഡോ. എ. റംലാബീവി, മെഡിക്കല്‍ കോളേജ് പ്രിന്‍സിപ്പാള്‍ ഡോ. തോമസ് മാത്യു, സൂപ്രണ്ട് ഡോ. കെ. മോഹന്‍ദാസ്, വൈസ് പ്രിന്‍സിപ്പാള്‍ ഡോ. കെ. ഗിരിജകുമാരി, നഴ്‌സിംഗ് കോളേജ് പ്രിന്‍സിപ്പാള്‍ പ്രൊഫ. എല്‍. നിര്‍മ്മല, എസ്.എ.ടി. ആശുപത്രി സൂപ്രണ്ട് ഡോ. വി.ആര്‍. നന്ദിനി, ടി.എം.സി. അലുമ്‌നി പ്രസിഡന്റ് ഡോ. മാര്‍ത്താണ്ഡപിള്ള, എച്ച്.ഡി.എസ്. അംഗങ്ങള്‍ എന്നിവര്‍ പങ്കെടുത്തു.
പുതിയ ബ്ലോക്കിന്, ഡോ. ആര്‍. കേശവന്‍നായര്‍ മള്‍ട്ടി സ്‌പെഷ്യാലിറ്റി ബ്ലോക്ക് എന്ന് മുഖ്യമന്ത്രി നാമകരണം ചെയ്തു. മെഡിക്കല്‍ കോളേജിന്റെ ആദ്യകാല വികസനത്തിന് വിലപ്പെട്ട സംഭാവനകള്‍ നല്‍കിയ സൂപ്രണ്ടും സര്‍ജറി വിഭാഗം മേധാവിയുമായിരുന്നു ഡോ. ആര്‍. കേശവന്‍ നായര്‍. മെഡിക്കല്‍ കോളേജിനെ മികവിന്റെ കേന്ദ്രമാക്കുന്നതിനുള്ള ഊര്‍ജ്ജിതമായ പ്രവര്‍ത്തനങ്ങളാണ് കഴിഞ്ഞ അഞ്ചു വര്‍ഷങ്ങളില്‍ നടത്തിയതെന്ന് അധ്യക്ഷപ്രസംഗത്തില്‍ ആരോഗ്യമന്ത്രി വി.എസ്. ശിവകുമാര്‍ ചൂണ്ടിക്കാട്ടി. ഇത്രയധികം വികസനപ്രവര്‍ത്തനങ്ങള്‍ നടന്ന ഒരു കാലഘട്ടവും ഉണ്ടായിട്ടില്ലെന്നും അദ്ദേഹം പറഞ്ഞു. പുതിയ ബ്ലോക്കിന്റെ ഒന്നാംനിലയില്‍ 34 കിടക്കകളോടുകൂടിയ ആധുനിക പോളിട്രോമ ഇന്റന്‍സീവ് കെയര്‍ യൂണിറ്റ്. രണ്ടാം നിലയില്‍ 24 കിടക്കകളോടുകൂടിയ അനസ്‌തേഷ്യ വിഭാഗം മള്‍ട്ടി ഡിസിപ്ലിനറി ഐസിയു. മൂന്നാം നിലയില്‍ കാര്‍ഡിയോളജി വിഭാഗത്തിന്റെ കാത്ത്‌ലാബ്. 18 കിടക്കകളോടുകൂടിയ ഐസിയു, സുഖം പ്രാപിച്ചുവരുന്നവര്‍ക്കായി 9 കിടക്കകളുള്ള സ്റ്റെപ്പ് ഡൗണ്‍ ഐസിയു. നാലാംനിലയില്‍ കാര്‍ഡിയോതൊറാസിക് വിഭാഗത്തിന്റെ രണ്ട് അത്യാധുനിക ഓപ്പറേഷന്‍ തീയറ്ററുകള്‍. 18 കിടക്കകളോടുകൂടിയ ഐസിയു. ഗ്രൗണ്ട് ഫ്‌ളോറില്‍ കേരളം, തമിഴ്‌നാട്, പുതുച്ചേരി സംസ്ഥാനങ്ങള്‍ക്കായുള്ള റീജ്യണല്‍ വയോജന സംരക്ഷണകേന്ദ്രം. ഐസിയു, ഓപി, സ്ത്രീകള്‍ക്കും പുരുഷന്മാര്‍ക്കും 16 കിടക്കകള്‍ വീതമുള്ള വാര്‍ഡുകള്‍. ഗ്രൗണ്ട് ഫ്‌ളോറിനുതാഴെയുള്ള ബേസ്‌മെന്റില്‍, അക്കാഡമിക് സൗകര്യങ്ങളോടുകൂടിയ ആധുനിക മോര്‍ച്ചറി. അഞ്ച് മൃതദേഹങ്ങള്‍ ഒരേസമയം പോസ്റ്റ്‌മോര്‍ട്ടം ചെയ്യാനുള്ള സൗകര്യം. 60 മൃതദേഹങ്ങള്‍ സൂക്ഷിക്കാന്‍ ഫ്രീസറുകള്‍. റോഡ് ലെവല്‍ ബേസ്‌മെന്റില്‍ പാര്‍ക്കിംഗ്, ഭക്ഷണശാല, ശൗചാലയം അനുബന്ധ സൗകര്യങ്ങള്‍ എന്നിങ്ങനെയാണ് ഏര്‍പ്പെടുത്തുകയെന്നും ആരോഗ്യമന്ത്രി അറിയിച്ചു.
ചടങ്ങില്‍ എം.എ. വാഹീദ് എം.എല്‍.എ., കൗണ്‍സിലര്‍ ജോണ്‍സണ്‍ ജോസഫ്, മെഡിക്കല്‍ വിദ്യാഭ്യാസ ഡയറക്ടര്‍ ഡോ. എ. റംലാബീവി, മെഡിക്കല്‍ കോളേജ് പ്രിന്‍സിപ്പാള്‍ ഡോ. തോമസ് മാത്യു, സൂപ്രണ്ട് ഡോ. കെ. മോഹന്‍ദാസ്, വൈസ് പ്രിന്‍സിപ്പാള്‍ ഡോ. കെ. ഗിരിജകുമാരി, നഴ്‌സിംഗ് കോളേജ് പ്രിന്‍സിപ്പാള്‍ പ്രൊഫ. എല്‍. നിര്‍മ്മല, എസ്.എ.ടി. ആശുപത്രി സൂപ്രണ്ട് ഡോ. വി.ആര്‍. നന്ദിനി, ടി.എം.സി. അലുമ്‌നി പ്രസിഡന്റ് ഡോ. മാര്‍ത്താണ്ഡപിള്ള, എച്ച്.ഡി.എസ്. അംഗങ്ങള്‍ എന്നിവര്‍ പങ്കെടുത്തു.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala