ജയിലില് ആത്മഹത്യക്ക് ശ്രമിച്ച ജോളിയെ മെഡിക്കല് കോളേജിലേക്ക് മാറ്റി
Published on 26 February, 2020
കോഴിക്കോട്: കൂടത്തായ് കൊലപാതക പരമ്പര കേസിലെ പ്രതി ജോളി ജയിലില് ആത്മഹത്യക്ക് ശ്രമിച്ചു. കൈ ഞരമ്പ് മുറിച്ച് ആത്മഹത്യക്ക് ശ്രമിച്ച ജോളിയെ കോഴിക്കോട് മെഡിക്കല് കോളേജിലേക്ക് മാറ്റി. ജില്ലാ ആശുപത്രിയിലേക്കാണ് ആദ്യം ജോളിയെ എത്തിച്ചത്. അവിടെ പ്രാഥമിക ചികിത്സ നല്കിയ ശേഷം മെഡിക്കല് കോളേജിലേക്ക് മാറ്റുകയായിരുന്നു
പുലര്ച്ചെയാണ് സംഭവം. രക്തം വാര്ന്ന നിലയില് കണ്ട ജോളിയെ ജയില് അധികൃതര് തന്നെ മെഡിക്കല് കോളേജിലേക്ക് മാറ്റുകയായിരുന്നു.
ഈ കേസില് അറസ്റ്റ് ചെയ്യപ്പെട്ട ഘട്ടത്തിലും ജോളി ആത്മഹത്യ പ്രവണത കാണിച്ചിരുന്നു. ഇത് കണക്കിലെടുത്ത് മെഡിക്കല് കോളേജിലെ കൗണ്സിലര്മാരുടെ സേവനവും തേടിയിരുന്നു.
ഞരമ്പ് മുറിക്കാന് ഉപയോഗിച്ച മൂര്ച്ചയുള്ള വസ്തു ജോളിയുടെ കൈവശമെത്തിയത് എങ്ങനെയെന്നും പോലീസ് അന്വേഷിക്കുന്നുണ്ട്. ചില്ല് ഉപയോഗിച്ചാണ് ഞരമ്പ് മുറിച്ചതെന്നും സൂചനയുണ്ട്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല