റിയാദ്: കോവിഡ് 19 വൈറസ് വ്യാപനം ഗുരുതരമായി തന്നെ തുടരുന്ന സാഹചര്യത്തില് സ്ഥിതിഗതികള് വിലയിരുത്തുന്നതിനായി ജി 20 അംഗരാജ്യങ്ങളുടെ പ്രതിനിധികളുടെ ഒരു അസാധാരണ വിര്ച്യുല് മീറ്റിംഗ് സൗദി അറേബ്യയിലെ സല്മാന് രാജാവ് വിളിച്ചു.
വ്യാഴാഴ്ച നടക്കുന്ന യോഗത്തില് കൊറോണ വൈറസ് രോഗം മൂലമുണ്ടായ പ്രത്യാഘാതങ്ങള് ചര്ച്ച ചെയ്യുമെന്ന് വാര്ത്ത ഏജന്സികള് റിപ്പോര്ട്ടു ചെയ്തു. ലോക സാമ്പത്തിക ക്രമത്തിലും ജീവിത ക്രമത്തിലും വൈറസ് ബാധ ഉണ്ടാക്കിയ ചലനങ്ങള് യോഗം ചര്ച്ച ചെയ്യും.
റിയാദില് അടുത്ത നവംബറില് ജി 20 ഉച്ചകോടി നടക്കാനിരിക്കെയാണ് കോവിഡ് 19 ലോകത്തെയാകെ പിടിച്ചുലച്ചുകൊണ്ടിരിക്കുന്നത്.
ജി 20 അംഗരാജ്യങ്ങളെ കൂടാതെ സ്പെയിന്, ജോര്ദാന്, സിംഗപ്പൂര്, സ്വിറ്റ്സര്ലന്ഡ് എന്നീ രാജ്യങ്ങളിലെ പ്രതിനിധികളും യുഎന് അടക്കമുള്ള അന്താരാഷ്ട്ര ഏജന്സികളുടെ പ്രതിനിധികളും യോഗത്തില് പങ്കെടുക്കും.
റിപ്പോര്ട്ട്: ഷക്കീബ് കൊളക്കാടന്