വാഷിങ്ടന് : മറ്റൊരു മഹാമാരിക്ക് കാരണമായേക്കാവുന്ന അത്യന്തം അപകടകാരികളായ വൈറസുകളെ ചൈനയില് കണ്ടെത്തിയെന്ന വാര്ത്ത ലോകമെങ്ങുമുള്ള ആരോഗ്യവിദഗ്ധരുടെ ഇടയില് ആശങ്കയുണ്ടാക്കുന്നു. പക്ഷിപ്പനിക്ക് കാരണമായ എച്ച്1എന്1 വൈറസിന് സമാനമാണ് നിലവില് ഇവയുടെ സ്വഭാവം. ജനിതകഘടനയില് വ്യത്യാസം വന്ന ഈ വൈറസ് ശ്രേണിയെ ജി4 എന്നാണ് ഗവേഷകര് വിളിക്കുന്നത്. മുഴുവന് പേര് ജി4 ഇഎ എച്ച്1എന്1.
നേരത്തേ കണ്ടെത്തിയ മൂന്നു വൈറസ് ശ്രേണികളുമായി ഈ ശ്രേണിക്കു ബന്ധമുണ്ട്. യൂറോപ്പ് ആന്ഡ് ഏഷ്യന് ബേര്ഡ്സ് (ഇഎ), എച്ച്1എന്1 ഫ്ലൂ സ്ട്രെയിന്, പക്ഷികളില്നിന്നും പന്നികളില്നിന്നും മനുഷ്യരില്നിന്നുമുള്ള ജീനുകള് വഹിക്കുന്ന നോര്ത്ത് അമേരിക്കന് ഫ്ലൂ എന്നീ മൂന്നു ശ്രേണികളും ചേരുന്ന പുതിയ തരം വൈറസാണ് ഇപ്പോള് കണ്ടെത്തിയതെന്നു യുഎസ് സയന്സ് ജേര്ണലായ പിഎന്എഎസില് (പ്രൊസീഡിങ്സ് ഓഫ് നാഷനല് അക്കാദമി ഓഫ് സയന്സസ്) പ്രസിദ്ധീകരിച്ച റിപ്പോര്ട്ടില് പറയുന്നു.