കൊറോണ കാലത്ത് സിനിമാ ഷൂട്ടിങ്ങുകളൊന്നും ഇല്ലാത്തതിനാല് വീട്ടിലിരിക്കുന്നതിനാല് തന്നെ സോഷ്യല് മീഡിയയില് ഏറെ സജീവ സാന്നിധ്യമായിട്ടുള്ള താരമാണ് നടി കനിഹ. ഇടയ്ക്കിടയ്ക്ക് തന്റെ വീട്ടിലെ സന്തോഷ നിമിഷങ്ങളും ലോക് ഡൗണ് കാലത്ത് ആദ്യമായി പുറത്തിറങ്ങിയപ്പോഴത്തെ അനുഭവവും മകന് സായ് റിഷിയോടൊപ്പമുള്ള ഡാന്സുമൊക്കെ ആരാധകരുമായി താരം ഇന്സ്റ്റയില് പങ്കുവെച്ചിട്ടുമുണ്ട്. ഇപ്പോഴിതാ പുതിയൊരു ചിത്രവും കുറിപ്പുമായി എത്തിയിരിക്കുകയാണ് കനിഹ.
മോഡലിംഗിലൂടെ അഭിനയ രംഗത്ത് എത്തിയ കനിഹ മലയാളത്തിലും തമിഴിലുമൊക്കെയായി നിരവധി സിനിമകളുടെ ഭാഗമായിട്ടുള്ളയാളാണ്. അടുത്തിടെ താന് സംവിധായിക കുപ്പായമണിയുകയാണെന്നും താരം വെളിപ്പെടുത്തിയിരുന്നു. ഒരു ഹ്രസ്വ ചിത്രമാണ് കനിഹ സംവിധാനം ചെയ്തത്. 'മ' എന്ന പേരില് കനിഹ സംവിധാനം ചെയ്ത ഹ്രസ്വചിത്രം വളരെ മികച്ച രീതിയില് സ്വീകരിക്കപ്പെട്ടിരുന്നു.
കുടുംബവും കരിയറും ഒരുപോലെ കൊണ്ട് പോകുന്ന താരം ഇപ്പോള് കൊവിഡ് കാലത്ത് കൈവിടാതെ ഇരിക്കേണ്ടുന്ന ഒരു കാര്യത്തെ കുറിച്ച് വ്യക്തമാക്കിയിരിക്കുകയാണ്. ചുറ്റും ഏറെ ബുദ്ധിമുട്ടുകളുള്ള നെഗറ്റിവിറ്റിയുള്ള പ്രശ്നങ്ങളുള്ള സമയമാണ്, നമ്മള് ചിലപ്പോള് ചിരിക്കാന് മറന്നുപോകുന്ന സമയം, ഇതുവരെ ലഭിച്ച എല്ലാ നല്ല കാര്യങ്ങള്ക്കുമായി ഇന്ന് ചിരിക്കാന് ഓര്മ്മിപ്പിക്കുകയാണ് എന്ന് കുറിച്ചുകൊണ്ടാണ് സ്മൈലി ഇമോജി ചിത്രമുള്ള ഒരു കോഫി കപ്പുമായിരിക്കുന്ന താരം പങ്കുവെച്ചിരിക്കുന്നത്