-->

EMALAYALEE SPECIAL

മാങ്ങപറീ...ചെളിക്കുത്ത്...ചിക്കൻ...ചക്ക.... (ശങ്കരനാരായണൻ മലപ്പുറം)

Published

on

"ഒരു കൂട്ടർ ദേ ഇപ്പൊ ഇറങ്ങ്യേതേള്ളൂ. ഉച്ചയ്ക്ക് കൃത്യം രണ്ടേയഞ്ചിന്  ഞാൻ മറ്റൊരു ഇന്റർവ്യൂ അനുവദിച്ചിട്ടുണ്ട്. അതിനിടക്ക് നമുക്ക് പറഞ്ഞു തീർക്കാം" എന്ന് പറഞ്ഞ്  മന്ദാരത്തിൽ മന്ദാകിനി  വന്നവരോട് ഇരിക്കാൻ പറഞ്ഞു.

മാളികപ്പുരയ്ക്കൽ മാധവ മേനോൻ മെമ്മോറിയൽ  അവാർഡ്, പാറുക്കുട്ടിയമ്മ ഷഷ്ടിപൂർത്തി ആഘോഷക്കമ്മറ്റി അവാർഡ്, പങ്കജാക്ഷൻ-പങ്കജാക്ഷി ദമ്പതികളുടെ അമ്പതാം വിവാഹ  വാർഷികാഘോഷ സ്മാരക അവാർഡ്  തുടങ്ങി എണ്ണിയാലൊടുങ്ങാത്തത്ര അവാർഡുകൾ കരസ്ഥമാക്കിയ മാഡം സോഷ്യൽ മീഡിയയിൽ മാത്രമല്ല ഒട്ടേറെ മാസികകളിലും വാരികകളിലും ദിവസേന നാലും അഞ്ചും കഥകളും കവിതകളും വൈജ്ഞാനിക ലേഖനങ്ങളും എഴുതുന്നു. മാഡം ഇന്നു രാവിലെ ചക്കരമാമ്പഴം  ഗ്രൂപ്പിലിട്ട  മദനമോഹിനിയുടെ മനോരഥം എന്ന കഥ ഉച്ചയാകുന്നതിനു മുമ്പേ വൈറലായി. അത്ഭുതം! എങ്ങനെ സാധിക്കുന്നു ഇതിനൊക്കെ? ഇതിനൊക്കെ മാഡം എങ്ങനെ സമയം കണ്ടെത്തുന്നു?  

"നെവർ മൈന്റിറ്റ്! മനസ്സുണ്ടെങ്കിൽ  ഇതും ഇതിലപ്പുറവും സാധിക്കും. വൈവിധ്യങ്ങളുടെ കലവറയാണല്ലോ ഈ പ്രപഞ്ചം. നോക്കൂ.... സൂര്യൻ കിഴക്കുദിക്കുന്നു, പടിഞ്ഞാറസ്തമിക്കുന്നു. ഈ പ്രപഞ്ചത്തിലെ അറിവുകൾ അതറിയാത്ത മറ്റുള്ളവർക്ക് പകർന്നു കൊടുക്കേണ്ടത് ഓരോരുത്തരുടെയും ബാധ്യതയാണെന്നാണ് ഈ മന്ദാരത്തിൽ മന്ദാകിനിയുടെ ഉറച്ച നിലപാട്. അതിന് ഒരുപാട് പഠിക്കേണ്ട. ഡിഗ്രിയും വേണ്ട. ഞാനെടുത്ത പോലെ ഡാക്ടറേറ്റ് എടുക്കുകയും വേണ്ട.  അലംഭാവം മാറണം, അലസതയും മാറണം. അഹംഭാവവും മാറ്റണം. നോക്കൂ, എന്റെ അച്ഛന്റെ മുത്തശ്ശന് പത്ത് ആനകൾ ണ്ടായിരുന്നൂന്ന് മുത്തശ്ശി പറേണത് ഞാൻ കേട്ടിട്ടുണ്ട്. അങ്ങനെയാണ് ആ കുടുംബത്തിന് പത്താനപ്പുരയ്ക്കൽ എന്ന് പേരുവന്നതത്രെ! ആ പേര് പറഞ്ഞ് ഞാൻ രാജകുമാരിയെപ്പോലെ ജീവിച്ചില്ല. വൈ? യൂ നോ...സമ്പത്തും പ്രതാപവുമൊക്കെ വ്യർത്ഥവും അനശ്വരവുമെന്ന് ഞാൻ മനസ്സിലാക്കിയതിനാൽ. അങ്ങനെ ഡോ. എം. മന്ദാകിനി എന്ന ഞാൻ വെറും മന്ദാരത്തിൽ മന്ദാകിനിയായി സാധാരണ ജനങ്ങളിലേക്കിറങ്ങുകയും അവർക്ക് കഥകൾ പറഞ്ഞു കൊടുക്കുകയും കവിതകൾ പാടിക്കൊടുക്കുകയും  വിജ്ഞാനം വിളമ്പിക്കൊടുക്കുകയും ചെയ്യുന്നു...ഞാൻ കൂടുതൽ വിശദീകരിക്കുന്നില്ല. യൂ നോ, ഒരു ചൂണ്ടുവിരൽകൊണ്ട് ചെയ്യാവുന്ന കാര്യമേ ഇതിലുള്ളൂ. പക്ഷേ, വിചാരിക്കണം. അതിന് മനോധൈര്യം വേണം; ആർജ്ജവം വേണം. അതായത് നല്ല എബിലിറ്റി വേണമെന്നർത്ഥം. എനിക്കതുണ്ട്. എന്നാൽ, മറ്റുള്ളവർക്കതില്ല. പക്ഷേ, ഞാൻ ഇതിൽ ഒട്ടും അഹങ്കരിക്കുന്നുമില്ലകെട്ടോ. ബട്ട്, ഇനി ആര് എതിർത്താലും വിമർശിച്ചാലും എന്റെ തപസ്യയിൽ നിന്ന് ഞാൻ പിന്തിരിയുകയേയില്ല, നോ ഡൗട്ട്!....ആർക്കും ഒന്നും സ്വന്തമല്ലല്ലോ? വിജ്ഞാനം വിരൽത്തുമ്പിൽ എന്ന് നിങ്ങൾ കേട്ടിട്ടില്ലേ? ദേ, ഇങ്ങനെ.."
മന്ദാകിനി ഫോണിന്റെ സ്ക്രീനിൽ  ചൂണ്ടുവിരൽ അങ്ങോട്ടുമിങ്ങോട്ടും അല്പനേരം ചലിപ്പിക്കുകയും കുത്തുകയുമൊക്കെ ചെയ്ത ശേഷം വീണ്ടും പറഞ്ഞു:
"തോണ്ടുക; തേക്കുക.
വീണ്ടും തോണ്ടുക; തേക്കുക.
പിന്നെയും തോണ്ടുക; തേക്കുക.
ഇതു മാത്രമേ ഞാൻ ചെയ്യുന്നുള്ളൂ"

"മാങ്ങപറീ...ചെളിക്കുത്ത്.... മാങ്ങപറീ...ചെളിക്കുത്ത്..എന്നു പറഞ്ഞപോലെ....അല്ലേ മാഡം?"

"കറക്ട്, യൂ ഷുഡ് വിൽ സെഡ് ഇറ്റ് എക്സാറ്റ്ലി!"

അതിനിടയിൽ കിച്ചണിൽ നിന്ന് ചിക്കൻ മണം വന്നതിനാൽ ഇന്റർവ്യൂക്കാരൻ മൂക്ക് വികസിപ്പിച്ച് മന്ദാരത്തിൽ മന്ദാകിനിയെ മന്ദഹാസത്തോടെയൊന്ന് നോക്കി.

"ഇപ്പഴത്തെ കുട്ട്യോൾടെ ഒരു കാര്യം. യൂ നോ...ഇന്നിവിടെ സാമ്പാറുണ്ട്, അവിയലുണ്ട്, ഓലനുണ്ട്, കാളനുണ്ട്, കിച്ചടിയുണ്ട്, പച്ചടിയുമുണ്ട്. പോരാത്തതിന് ചെമ്മീനുമുണ്ട്. എന്നാലും കുട്യാൾക്ക് ചിക്കനുംകൂടി വേണാച്ചാൽ..."

"മാഡത്തിന്റെ ചെറുപ്പ കാലത്തും ജീവിതം സുഭിക്ഷമായിരുന്നില്ലേ? സാമ്പാറും അവിയലിനുമൊപ്പം ദിവസവും ചിക്കനുംകൂടി കഴിച്ചല്ലേ മാഡവും വളർന്നത്? ആ സുഭിക്ഷതയിൽ വളർന്നതു കൊണ്ടല്ലേ മാഡം ഇപ്പോഴും ഒരു കോളേജ് കുമാരിയെപ്പോലെയിരിക്കുന്നത്?"

അപ്പോഴേക്കും അവരുടെ അഞ്ചാമത്തെ മകന്റെ മൂന്നാമത്തെ കൊച്ചുമോൻ അകത്തുനിന്നു അവരെ വിളിച്ചു:
"മുത്തശ്ശീ... മുത്തശ്ശീ.... മുത്തശ്ശ്യേ....."
മന്ദാകിനി ഒന്നും പതറി. ശേഷം പറഞ്ഞൊപ്പിച്ചു:

"ഓ, പറഞ്ഞാൻ കേൾക്കില്യ.......ബൈദിബൈ....യൂ നോ..
... മുത്തശ്ശി ഈസ് സഫറിംഗ് ഫ്രം.....സ്മോളേജ് ഓഫ് സോഡിയം....ഇന്നലെ രാത്രി അവർ ഒട്ടും ഉറങ്ങിയില്ല....മോനേ മനൂ.....മുത്തശ്ശീനേ വിളിച്ചുണർത്താതെടാ ചക്കരേ....ഇന്നലെ രാത്രി മുത്തശ്ശി തീരെ ഉറങ്ങാത്തതാ.....പാവം, മുത്തശ്ശി ഉറങ്ങിക്കോട്ടെ മനൂ....നിങ്ങൾ ഇരിക്കൂ. ഞാനിപ്പോ വരാമേ..."
എന്ന് അകത്തേക്ക് നോക്കിയും ഇന്റർവ്യൂക്കാരോട് അവരുടെ മുഖത്തേക്ക് നോക്കാതെയും മന്ദാകിനി വളരെ പതുക്കെ പറഞ്ഞു.
പിന്നെ മന്ദാരത്തിൽ മന്ദാകിനി മനസ്സിൽ ഇങ്ങനെ പ്രാകിപ്പറഞ്ഞ് അകത്തേക്ക് പോയി:

"തേങ്ങ, കോളേജ് കുമാരി എന്ന് പറഞ്ഞപ്പഴക്കും ചെക്കന്റെ കോണോത്തിലെ മുത്തശ്ശി പുറത്തുചാടി. കോളേജ് കുമാരിയാകാൻ ചെലവഴിക്കുന്ന സമയത്തെക്കുറിച്ചൊന്നും ചെക്കനറിയില്ല...  അയ്യാ.....ചക്കക്കൂട്ടാൻ പോലും കിട്ടാൻ കൊതിച്ചിരുന്ന അക്കാലത്ത് അവന്റൊരു ഒലക്കേലെ ചിക്കൻ ചോദ്യം"


Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ജോ ബൈഡന്‍ - ബലഹീനനായ പ്രസിഡന്റ് (ലേഖനം: സാം നിലമ്പള്ളില്‍)

ഒരു കൊലയുടെ ദൃക്സാക്ഷി (ഏഷ്യയിൽ നിന്ന് ആഫ്രിക്കയിലേക്ക്- 8: ജിഷ.യു.സി)

ഹമാസ് ഭീകരന്മാരെ ചുട്ടെരിക്കുന്നത് സൗമ്യയെന്ന മലയാളി പെണ്‍കുട്ടി (ലേഖനം: സാം നിലമ്പള്ളില്‍)

നഴ്സിൽ നിന്നും അൾത്താരയിലേക്ക് (ജോബി ബേബി, നഴ്‌സ്‌, കുവൈറ്റ്)

കുട്ടികളെ കോവിഡ് ബാധിക്കാത്തതിനു പിന്നില്‍ (ജോര്‍ജ് തുമ്പയില്‍)

ശവം തീനി കഴുകന്മാര്‍ (ദല്‍ഹികത്ത്: പി.വി.തോമസ്)

വരൂ,തായ്‍ലാന്റിൽ പോയി ഊണ് കഴിക്കാം..(നർമ്മകഥ:നൈന മണ്ണഞ്ചേരി)

MEET MY GRANDMA, SHE”S AN INDIAN (Sreedevi Krishnan)

ആടുജീവിതവും റോഡ് ടു മക്കയും; ബെന്യാമിനെതിരായ കോപ്പിയടി ആരോപണം സത്യമോ? (സൂരജ്.കെ.ആർ)

അമ്മച്ചിയുടെ സ്മരണയിൽ : മുരളി കൈമൾ

മലയാളത്തിന്റെ ഉരുക്കു വനിത (സാരംഗ് സുനില്‍ കുമാര്‍)

പ്രസംഗകല - സുകുമാര്‍ അഴീക്കോട് സമാഹരണവും പഠനവും (ഭാഗം-16: ഡോ. പോള്‍ മണലില്‍)

ട്രോളര്‍മാര്‍ അരങ്ങു തകര്‍ക്കുന്നു, അങ്ങ് കേരളത്തില്‍ (ലേഖനം: സാം നിലമ്പള്ളില്‍)

ഇറ്റലിയിയുടെ സ്വന്തം 'ജലാറ്റൊ ഐസ്ക്രീം' ( സൗമ്യ സാജിദ്)

ഓർമ്മകൾകൊണ്ട് നെയ്തെടുത്ത പായ ( സന്തോഷ് ഇലന്തൂർ)

അച്ഛനും ഒരമ്മയാണ് (ധർമ്മരാജ് മടപ്പള്ളി)

ഇ-മലയാളി ഡെയിലി ന്യുസ്  വരിക്കാരാകുക

കോൺഗ്രസിൽ കൂടുതൽ ആത്മപരിശോധന അല്ല, മാറ്റങ്ങളാണ് വേണ്ടത്: ജോർജ് എബ്രഹാം

അമ്മ വിളക്ക് (ഗിരീഷ് നായര്‍, മുംബൈ)

ചരമവാർത്തയിൽ ഏതു ഫോട്ടോ കൊടുക്കണം (വീക്ഷണം: സുധീർ പണിക്കവീട്ടിൽ)

ഒരു മിന്നാമിനുങ്ങിന്റെ നുറുങ്ങു വെട്ടം (അംബിക മേനോൻ, മിന്നാമിന്നികൾ -1) 

കരുതലിന്റെ അമ്മക്കൂട് (രാജൻ കിണറ്റിങ്കര)

അമ്മയ്‌ക്കൊരു ദിവസം (മാതൃദിന കുറിപ്പ്: സുധീര്‍ പണിക്കവീട്ടില്‍)

വലിയ ഇടയൻ ക്രിസോസ്റ്റം തിരുമേനിക്ക് കണ്ണീർപ്രണാമം (മോൻസി കൊടുമൺ)

സെല്‍ഫിയില്‍ തെളിയുന്ന കേരള ബി.ജെ.പി (സുരേന്ദ്രന്‍ നായര്‍)

ഓരോ അമ്മയും ഈശ്വരന്റെ വലിയ സമ്മാനം (ശ്രീകുമാർ ഉണ്ണിത്താൻ)

സ്നേഹത്തിന്റെ  സ്വാദ്  (ഗിരിജ ഉദയൻ)

അവിടത്തെപ്പോലെ ഇവിടെയും, ആഗോള പ്രശ്‌നമെന്ന നൊബേല്‍ ജേതാക്കളുടെ വിധി ആശ്വാസത്തുരുത്ത്(കുര്യന്‍ പാമ്പാടി)

വരാനിരിക്കുന്നത് സാമ്പത്തിക പ്രതിസന്ധി; യു.ഡി.എഫ്. നിരാശപ്പെടേണ്ട (വെള്ളാശേരി ജോസഫ് )

സ്മരണകള്‍ പൂത്തുലയുന്ന മറ്റൊരു മാതൃദിനം (പി.പി ചെറിയാന്‍)

View More