മാനനഷ്ടക്കേസില്‍ നടി കങ്കണ റണാവത്തിന് ഹാജരാകാനുള്ള അന്ത്യശാസനം നല്‍കി അന്ധേരി മെട്രോപ്പൊലിറ്റന്‍ കോടതി.

വാദം കേള്‍ക്കലിന് ഹാജരായില്ലെങ്കില്‍ കങ്കണയ്ക്ക് തെിരെ അറസ്റ്റ് വാറന്റ് പുറപ്പെടുവിക്കുമെന്ന് കോടതി. ഗാനരചയിതാവ് ജാവേദ് അക്തര്‍ നല്‍കിയ മാനനഷ്ടക്കേസിലാണ് കോടതിയുടെ ഇടപെടല്‍.

കേസില്‍ തുടര്‍ച്ചയായി ഹാജരാതിരുന്നതോടെയാണ് താരത്തിന് കോടതി രൂക്ഷമായ മുന്നറിയിപ്പ് നല്‍കിയത്. ബോളിവുഡില്‍ പലരെയും ആത്മഹത്യയിലേക്കു നയിക്കുന്ന സംഘത്തിന്റെ ഭാഗമാണ് ജാവേദ് അക്തര്‍ എന്ന പരാമര്‍ശത്തിനെതിരെയാണ് അദ്ദേഹം കോടതിയെ സമീപിച്ചത്.

അതേസമയം, കങ്കണ വിദേശത്തായതിനാലാണ് എത്താത്തത് എന്ന് അഭിഭാഷകന്‍ കോടതിയെ അറിയിച്ചു. കേസില്‍ കങ്കണയ്ക്കെതിരേ അറസ്റ്റ് വാറന്റ് പുറപ്പെടുവിക്കണമെന്ന ജാവേദ് അക്തറിന്റെ അപേക്ഷ കോടതി നിരസിച്ചു. അടുത്ത തവണ കേസ് പരിഗണിക്കുമ്ബോള്‍ കങ്കണ ഹാജരായില്ലെങ്കില്‍ പരാതി നല്‍കാമെന്നും കോടതി വ്യക്തമാക്കി.