ടെന്നസിയിലെ വസതിയിലാണ് മരിച്ച നിലയില്‍ കണ്ടെത്തിയത്. അമേരിക്കൻ ഐഡല്‍ മത്സരാർത്ഥിയും ഗ്രാമി പുരസ്‌കാര ജേതാവുമാണ് മാൻഡിസ. മരണകാരണം വ്യക്തമല്ല.

ലോകമെമ്ബാടുമുള്ള ആളുകളുടെ വെല്ലുവിളി നിറഞ്ഞ ജീവിതത്തിന്റെയും സത്യത്തിന്റെയും ഉറച്ച ശബ്ദമായിരുന്നു മാൻഡിസ. മരണവുമായി ബന്ധപ്പെട്ട് പൊലീസ് അന്വേഷണം ആരംഭിച്ചിട്ടുണ്ട്.

2006-ലെ 'അമേരിക്കൻ ഐഡല്‍' എന്ന ടെലിവിഷൻ പരിപാടിയിലൂടെയാണ് മാൻഡിസ സംഗീത ലോകത്ത് തുടക്കം കുറിച്ചത്. തുടർന്ന് തന്റെ സംഗീതത്തിലൂടെ പ്രശസ്തി നേടാൻ ഈ ഗായികയ്‌ക്ക് സാധിച്ചു. 2007-ല്‍ പുറത്തിറങ്ങിയ 'ട്രൂ ബ്യൂട്ടി' എന്ന ആല്‍ബത്തിലൂടെയാണ് മാൻഡിസയ്‌ക്ക് പ്രേക്ഷകശ്രദ്ധ ലഭിക്കാൻ തുടങ്ങിയത്.

ഫ്രീഡം, ഇറ്റ്സ് ക്രിസ്മസ്, വാട്ട് ഇഫ് വി വെയർ റിയല്‍, ഔട്ട് ഓഫ് ദ ഡാർക്ക്, ഓവർകമർ തുടങ്ങിയ ആല്‍ബങ്ങളാണ് മാൻഡിസയുടെ ഏറ്റവും മികച്ച പ്രോജക്ടുകള്‍.