വാഷിംഗ്ടണ്‍: രണ്ടായിരത്തി ഇരുപത്തി രണ്ട് വര്‍ഷം ഏകദേശം 66,000 ഇന്ത്യക്കാര്‍ ഔദ്യോഗികമായി യുഎസ് പൗരന്മാരായി മാറിയെന്ന് റിപ്പോര്‍ട്ട്. മെക്സിക്കോയ്ക്ക് ശേഷം അമേരിക്കയിലെ പുതിയ പൗരന്മാരുടെ ഏറ്റവും വലിയ രണ്ടാമത്തെ സ്രോതസ് രാജ്യമായി ഇന്ത്യ മാറിയെന്ന് സെനറ്റ് വ്യക്തമാക്കി.

യുഎസ് സെന്‍സസ് ബ്യൂറോയില്‍ നിന്നുള്ള അമേരിക്കന്‍ കമ്മ്യൂണിറ്റി സര്‍വേ ഡാറ്റ പ്രകാരം, 2022-ല്‍ ഏകദേശം 46 ദശലക്ഷം വിദേശികളായ ആളുകള്‍ യുണൈറ്റഡ് സ്റ്റേറ്റ്‌സില്‍ താമസിക്കുന്നുണ്ട്. ഇത് മൊത്തം 333 ദശലക്ഷം യുഎസ് ജനസംഖ്യയുടെ ഏകദേശം 14 ശതമാനം വരും. ഇവരില്‍ ഏകദേശം 53 % പേര്‍ സ്വാഭാവിക പൗരന്മാരായി തങ്ങളുടെ പദവി റിപ്പോര്‍ട്ട് ചെയ്തു.