സ്റ്റോക്ക്ഹോം: സ്വീഡനിലെ പൊതുമേഖലാ സ്ഥാപനങ്ങളില് വിദേശ ജോലിക്കാരുടെ എണ്ണം കൂടുന്നു. കഴിഞ്ഞ വര്ഷം ഈ മേഖലയില് നിയമിക്കപ്പെട്ട ജീവനക്കാരില് നാലിലൊന്ന് ആളുകളും വിദേശികളായിരുന്നു എന്നും കണക്കുകളില് വ്യക്തമാകുന്നു.
സ്വീഡിഷ് സമൂഹത്തില് വരുന്ന മാറ്റങ്ങളുടെ പ്രതിഫലനമാണ് ഈ കണക്കില് കാണുന്നതെന്ന് വിദഗ്ധര് വിലയിരുത്തുന്നു. പുതിയ ജീവനക്കാരില് ഏറിയ പങ്കും സാമൂഹ്യ മേഖലകളിലായാണ് നിയമിതരായിരിക്കുന്നത്.
2012ല് മാത്രം വിദേശികളോ, വിദേശികളുടെ മക്കളോ ആയ 7400 പേര് സ്വീഡിഷ് പൊതുമേഖലാ സ്ഥാപനങ്ങളില് ജോലിക്കു കയറി. 2011ലേതിനെ അപേക്ഷിച്ച് രണ്ടര ശതമാനം വര്ധനയാണിത്.